Shu yilning 17 yanvar kuni Samaqand viloyati IIB Transportda XTBga Jizzax viloyati Baxmal tumanida yashovchi fuqaro X.E. tomonidan yozma murojaat kelib tushdi. Unda Samarqand temiryo`l vokzalidagi savdo do`konlarida mahsulotlar, ayniqsa, non va non mahsulotlari boshqa joylardagi do`konlarga qaraganda qimmat narxda, boz ustiga, chet el valyutalarida sotilayotgani, ushbu holat bo`yicha qonuniy chora ko`rish so`ralgan edi.
Shu kuni Samarqand temiryo`l vokzalida ichki ishlar organlari xodimlari tomonidan tadbir o`tkazildi. Murojaatda keltirilgan vajlar o`z tasdig`ini topdi. Masalan, vokzaldagi do`konlardan birida savdo qiluvchi qiluvchi fuqaro B.O. 4 dona nonni qirq ikki ming so`m qaytim evaziga 500 Rossiya rubliga, yana bir uddaburon «savdogar» Q.B. 6 dona somsani 200 Rossiya rubliga sotayotgani ma`lum bo`ldi. Insofini «egan» yana bir sotuvchi kattaqo`rg`onlik N.M. esa 1 litrli «Coca-Cola» ichimligini 100 rublga pullabdi.
Yuqorida keltirilgan va aniqlangan boshqa barcha holatlar bo`yicha tegishli hujjatlar rasmiylashtirilgan, qonuniy choralar ko`riladi, deyiladi Samarqand viloyati IIB Transportda XTB xabarida.