Juda ko`p miqdordagi dizel yoqilg`isini talon-toroj qilish holati aniqlandi. Bu haqda “Darakchi.uz” ga Bosh prokuratura matbuot xizmati xabar berdi.
Bosh prokuratura huzuridagi Departamentning Mirishkor tuman bo`limi tomonidan o`tkazilgan tergovga qadar tekshiruvda, “Qarshi neft bazasi” MChJ mansabdor shaxslari amalda tugatilgan 77 ta fermer xo`jaliklariga jami 639,5 mln. so`mlik, 130,5 tonna dizel yoqilg`isi tarqatilganligi to`g`risida hujjatlarni soxtalashtirish yo`li bilan juda ko`p miqdordagi mulkni talon-toroj qilganliklari aniqlangan.
Mazkur holat yuzasidan “Qarshi neft bazasi” MChJ mansabdor shaxslariga nisbatan Jinoyat kodeksining tegishli moddalari bilan jinoyat ishi qo`zg`atilib, tergov harakatlari o`tkazilmoqda.
