"Andijonneft” AJ tomonidan “Uchtepa neft va gaz koni”da qazib olinayotgan gaz miqdori oshirilib, tuman aholisiga “O`ztransgaz”AJ magistral liniyalari orqali boshqa hududlarga ham etkazilmoqda. Bu haqda "O`zbekneftgaz"AJ matbuot xizmati xabar bermoqda.
2019 yilning 26 dekabrida “Uch tepa neft va gaz koni”ning 13-sonli qudug`ida sanoat miqyosidagi tabiiy gaz olishga erishilgan.
Ayni paytda quduqdan gaz qazib olishning kunlik hajmi 100-110 ming m³ tashkil qilmoqda.
Joriy yilning 4 fevral kuni ushbu quduqdan olinayotgan tabiiy gaz “O`ztransgaz”AJning magistral liniyalari orqali hudud aholisiga etkazila boshlandi.
Ma`lumot uchun: ayni paytda Buloqboshi hududiga berilayotgan tabiiy gaz miqdorining bir kunlik hajmi 270 ming m³ tashkil qiladi.
“Uchtepa neft va gaz koni”dan olinayotgan tabiiy gaz miqdori yuqori bo`lganligi sababli, qo`shimcha 270–300 ming m³ hajmdagi tabiiy gaz “O`ztransgaz” AJ magistral liniyasiga uzatilmoqda.