Muborak neft va gaz qazib chiqarish boshqarmasidagi “Shimoliy Muborak” gazkondensat konining 1995 yilgacha gaz berib, o`zining majburiyatlarini bajarib bo`lgandan keyin tugatilgan quduqlar fondiga o`tkazilgan 35-sonli quduq qayta ishga tushirilgan. Bu haqda "O`zbekneftgaz"AJ Matbuot xizmati xabar bermoqda.
Mutaxassislar tomonidan ushbu quduqda tubdan ta`mirlash dastgohi yordamida 2202 mertgacha ikkinchi yon-tana burg`ulash ishlari amalga oshirildi.
Natijada quduqdan sanoat miqyosidagi kunlik 100 ming metr kub tabiiy gaz va 1,5 tonna gazkondensat olishga erishildi. Hozirda ushbu quduq ustini jihozlash va gaz kollektoriga qo`shish ishlari amalga oshirilmoqda.
