Муборак нефт ва газ қазиб чиқариш бошқармасидаги “Шимолий Муборак” газконденсат конининг 1995 йилгача газ бериб, ўзининг мажбуриятларини бажариб бўлгандан кейин тугатилган қудуқлар фондига ўтказилган 35-сонли қудуқ қайта ишга туширилган. Бу ҳақда "Ўзбекнефтгаз"АЖ Матбуот хизмати хабар бермоқда.
Мутахассислар томонидан ушбу қудуқда тубдан таъмирлаш дастгоҳи ёрдамида 2202 мертгача иккинчи ён-тана бурғулаш ишлари амалга оширилди.
Натижада қудуқдан саноат миқёсидаги кунлик 100 минг метр куб табиий газ ва 1,5 тонна газконденсат олишга эришилди. Ҳозирда ушбу қудуқ устини жиҳозлаш ва газ коллекторига қўшиш ишлари амалга оширилмоқда.
