Xitoyda Covid-19 virusini qasddan tarqatish va epidemiya vaqtida tibbiyot xodimlariga shikast etkazganlik uchun jinoiy javobgarlik belgilandi.
Endilikda yangi turdagi koronavirusni yuqtirib olgani tasdiqlangan shaxslarning karantinda saqlanishga qarshilik ko`rsatishi yoki belgilangan muddatdan oldin karantinni tark etib, jamoat joylariga borishi va jamoat transportidan foydalanishi – «xavfli usullar bilan jamoat xavfsizligiga tahdid solish» deb malakalanadi.
Bunday qilmish infeksiya yuqtirib olgani gumon qilinayotgan shaxslar tomonidan sodir etilsa va ularning bu harakatlari virus tarqalishiga olib kelsa, u holda ularga nisbatan ham xuddi shunday ayblov ilgari suriladi.
Bu haqda Xitoy Oliy Sudi, Bosh prokuraturasi, Jamoat xavfsizligi vazirligi va Adliya vazirligining qo`shma bayonotida aytilgan. Bu haqda Kun.uz xabar berdi.
Ma`lum qilinishicha, XXR Jinoyat kodeksiga asosan, yuqoridagi holatlarda aybdor deb topilgan shaxslarning qilmishi jiddiy oqibatlarga olib kelmasa, 3 yildan 10 yilgacha qamoq jazosiga hukm qilinadi.
Agar qonunbuzarlarning xatti-harakatlari jiddiy oqibatlarni keltirib chiqarsa, ular 10 yildan ortiqroq muddatga yoki butun umrga qamalishi yoxud o`lim jazosiga hukm qilinishi mumkin.
Huquq idoralarining qo`shma qarori 10ta qonunbuzarlikka oid bo`lib, epidemiya tarqalishining oldini olish va shu yo`nalishda olib borilayotgan sa`y-harakatlarni nazorat qilish ishlariga xalal berish, virusning qasddan tarqatilishi, tibbiyot xodimlariga ziyon keltirish va qalbaki mahsulotlar savdosi kabilar shular jumlasidandir.
«Bundan ko`zlangan maqsad – yuridik tuzilmalarga qonunlarni to`g`ri qo`llash orqali jinoyatlarga qarshi kurashda yordam berishdir», – deb tushuntirgan XXR Oliy sudi vise-prezidenti Yang Vanming.
Ta`kidlanishicha, so`nggi vaqtlarda Xitoyda bemorlar yoki ularning qarindoshlari tomonidan tibbiyot xodimlariga zarar etkazilgan holatlar uchrab turibdi. Yangi qarorda belgilanishicha, epidemiya davrida tibbiyot xodimlarining niqobini yirtgan yoki ularga qarata tuflagan shaxslarga – agar buning natijasida tibbiyot xodimiga infeksiya yuqadigan bo`lsa – qasddan birovga shikast etkazish ayblovi qo`yiladi.
Shuningdek, virus tarqalishini nazoratga olish bilan shug`ullanayotgan hukumat rasmiylarini qo`rqitish yoki zo`ravonlik ishlatish yo`li bilan ularning xizmat vazifalarini bajarishlariga to`sqinlik qilish davlat xizmatiga to`sqinlik qilish deb baholanadi.
«Epidemiyaga qarshi kurashga jiddiy to`sqinlik qilganlarga qattiq jazo belgilanadi. Ammo qasddan qilinmagan va jiddiy oqibatlarga olib kelmagan xatti-harakatni sodir etgan shaxslar bilan avvalo tushuntirish ishlari olib boriladi», – deya ta`kidlangan bayonotda.
12.04.2020, 16:42
Dunyo mamlakatlarida koronavirus pandemiyasi bilan kurash olib borayotgan bir vaqtda Xitoy koronavirus ustidan qozonilgan g`alabani nishonladi. Bu tantanaga Xitoy osmoniga chiqqan 1000 ta dron ishtirokidagi shou...31.03.2020, 18:24
Xitoyda COVID-19 bilan og`rigan bemorlarning 92 foizga yaqini tuzalib ketdi va bu raqam keyingi haftalarda oshib bormoqda. Bu haqda Jahon sog`liqni saqlash tashkiloti vakili Tarik...30.03.2020, 21:31
Xitoy qanday qilib koronavirus infeksiyasi tarqalish zanjirini uzdi, qanday qilib Covid-19 virusi oqibatidagi xavfli kasallik tarqalishini to`xtatishga oldi? Bunga javob shuki: Hukumat tomonidan qat`iy karantin rejimi...10.03.2020, 16:42
Xitoyda paydo bo`lib, ko`pchilik mamlakatlarga tarqab ulgurgan yangi turdagi koronavirus bilan kurashishda bugungi kunda dunyoda barcha choralar ishga solinmoqda. Ko`plab bemorlarning o`limiga sabab bo`layotgan virusni...