Toshkentda 8 mart kuni bir ayolning BMW X5 va Mercedes GLC mashinalari yonib ketgani haqida xabar bergan edik. Mazkur holat yuzasidan O`zbekiston Respublikasi IIV YHXBB Axborot xizmati rasmiy ma`lumot berdi.
Unda aytilishicha joriy yilning 8 mart kuni soat 05:30 da Toshkent shahar, Mirobod tumani, Shahrisabz ko`chasi, 13-uy oldida, ushbu uy 51-xonadonda yashovchi K.I.ga tegishli qora rangli “Mersedes Benz” va uning yonida turgan oq rangli “BMW” rusumli avtomobillar yonib ketgan. Bunda transport vositalaridan yong`in chiqishi avtomashinalarning dvigateli va salon qismlari yonib ketishiga sabab bo`lgan.
Mazkur holat yuzasidan hozirda surishtiruv ishlari olib borilib, yong`in sabablariga aniqlik kiritilmoqda, deyiladi IIB YHXBB xabarida.
