O`zbekiston huquq-tartibot organlari xodimlari ham koronavirus pandemiyasi vaqtida fuqarolarni uyda o`tirishga chaqiruvchi chellenjga qo`shildi. Bu haqda Toshkent shahar IIBB axborot xizmati xabar berdi.
«Shu kunlarda ko`chalarda, jamoat joylarida, poytaxt yo`llarida, shuningdek karantin e`lon qilingan davolanish muassasalari yaqinida huquq-tartibot va fuqarolar xavfsizligini ta`minlash bilan mashg`ul bo`lgan Toshkent shahar IIBB xodimlari hamshaharlar va poytaxt mehmonlarini shifokorlar tavsiyalariga amal qilishga, sanitariya va shaxsiy gigiena choralariga rioya qilishga, imkon qadar uyda qolishga chaqirmoqda», — deyiladi xabarda.
IIV va Milliy gvardiya xodimlari «Biz sizning xavfsizligingiz uchun xizmatdamiz. Siz biz uchun uyda bo`ling!» yozuvi qayd etilgan varaqlar bilan tushgan suratlarini tarmoqlarga joylamoqda.
Avvalroq tibbiyot xodimlari fuqarolarni karantin vaqtida iloji boricha ko`chaga chiqmaslikka, sanitariya va shaxsiy gigena qoidalarida rioya qilishga chaqiruvchi chellenj bilan chiqishgan edi. Endi bu tashabbusni huquq-tartibot organlari xodimlari ham qo`llab-quvvatlashmoqda.
Eslatib o`tamiz: 2020 yil 16 martdan yurtimizda virus keng tarqalishining oldini olish maqsadida karantin e`lon qilingan. Bugungi kunda fuqarolarga kasallik yuqishi ko`rsatkichini kamaytirish uchun ayrim aholiga xizmat ko`rsatish ob`ektlari faoliyatiga ham vaqtincha chek qo`yilmoqda.
20 mart holatiga ko`ra O`zbekistonda koronavirusga chalinganlar soni 33 nafarga etgan. Bu haqda Koronavirus.info kanali doimiy tarzda axborot berib turibdi.
19.09.2020, 18:42
2020 yil 19 sentyabr soat 18:00 holatiga ko`ra, O`zbekistonda koronavirus infeksiyasi qayd etilganlar soni 50 872 (+238) nafarni tashkil etmoqda.Yangi kasallanish holatlarining barcha 183 nafari...