O`zbekistonda koronavirus infeksiyasi tasdiqlangan yana bir bemor yurak-qon tomir etishmovchiligidan vafot edi. Bu haqda SSV xabar berdi.
Shu yilning 14 aprel kuni Namangang shahrida yashovchi Sh. yurak ishemik kasalligi, gipertoniya ikkinchi darajasi, aterosklerotik kardioskleroz, ikki tomonlama pnevmoniya va o`tkir nafas etishmovchiligi tashxisi bilan viloyat yuqumli kasalliklar shifoxonasining reanimasiya bo`limiga yotqizilgan edi.
Zudlik bilan o`tkazilgan tezkor diagnostik tahlillardan so`ng bemorda “Covid-19” koronavirus infeksiyasi ham aniqlangan. 73 yoshli (erkak) ushbu bemorning shu kungacha kunlik ahvoli mamlakatimizdagi shu sohaga ixtisoslashgan tibbiyot muassasalarining nufuzli mutaxassislari nazoratida bo`lgan. Ular tomonidan muntazam konsiliumlar o`tkazib kelingan.
Biroq kardiolog, virusolog, pulmonolog, terapevt, reanimatologlarning belgilangan standartlar asosida o`tkazgan reanimasion muolajalariga qaramasdan bemor yurak qon-tomir etishmovchiligidan vafot etdi.
