Bosh prokuratura huzuridagi Departamentning Namangan viloyat boshqarmasiga yakka tartibdagi tadbirkor A.X. murojaat qilib, “M.” ismli shaxs Namangan shahar, “Mashad” mavzesidan tadbirkorlik faoliyatibilan shug`ullanishi uchun 0,3 ga er maydoni olib berish masalasini hal qilish evaziga undan 5 000 AQSh dollari talab qilgan. Bu haqda Bosh prokuratura Darakchiga xabar bermoqda.
“M.” ismli shaxs A.X.dan avans tariqasida oldindan 500 AQSh dollari berishini so`rayotganligini bildirib tadbirkor ariza bilan murojaat qilgan.
Tadbirkorning ushbu murojaatida keltirilgan vajlarni tekshirish maqsadida, Departament xodimlari tomonidan o`tkazilgan tezkor tadbirda, fuqaro M.Sh. YaTT A.X.dan yuqori lavozimda ishlovchi tanishlari orqali yuqoridagi manzildan 0,3 ga er maydoni ajratib berish evaziga 300 AQSh dollariva 1,9 mln so`mni firibgarlik yo`li bilan olgan vaqtida ashyoviy dalil bilan ushlangan.
Mazkur holat yuzasidan M.Sh.ga nisbatan Jinoyat kodeksining tegishli moddalari bilan jinoyat ishi qo`zg`atilib, tergov harakatlari o`tkazilmoqda.
