my5
all

Adliya vazirligida ikki lavozimga yangi rahbar tayinlandi (foto)

Jamiyat 01.06.2020, 22:11
524
Adliya vazirligida ikki lavozimga yangi rahbar tayinlandi (foto)

Adliya vazirligi tarkibida yangi tayinlovlar amalga oshirildi. jumladan ikki lavozimga yangi rahbar tayinlandi. Bu haqda vazirlik axborot xizmati ma`lum qildi.

Bunyod Mavlonovich Azizov 

Adliya vazirining tegishli buyrug`i bilan Bunyod Mavlonovich Azizov vazirlikning O`zbekiston Respublikasi Prezidentining 2020 yil 19 maydagi “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari to`g`risida”gi PF-5997-son Farmoni bilan tashkil qilingan Ma`muriy tartib-taomillarni rivojlantirish va monitoringini yuritish boshqarmasining boshlig`i lavozimiga tayinlandi.

B. Azizov shu kunga qadar vazirlikning Tashkiliy-nazorat va tahlil boshqarmasi boshlig`ining o`rinbosari-bo`lim boshlig`i lavozimida ishlab kelayotgan edi.

Javohir Kaxramonovich Kuli Zoda 

Adliya vazirining tegishli buyrug`i bilan Javohir Kaxramonovich Kuli Zoda vazirlikning Ma`muriy tartib-taomillarni rivojlantirish va monitoringini yuritish boshqarmasi boshlig`ining o`rinbosari – bo`lim boshlig`i lavozimiga tayinlandi.

J. Kuli Zoda shu kunga qadar vazirlikning Ijtimoiy-iqtisodiy sohada huquqni qo`llash amaliyotini o`rganish boshqarmasi bo`lim boshlig`i lavozimida ishlab kelayotgan edi.

Шарҳлар