"Milliy tiklanish" demokratik partiyasi Markaziya kengashi raisi Alisher Qodirov Viruslarni aniqlash va ular bilan kurashishda Isroil davlatidagi tajribasini o`rganish kerakligi haqida ta`kidladi.
"Ular 2020 yilning 1 sentyabrigacha barcha kiruvchilar uchun chegaralarini yopdi. Nimaga? Chunki ichkariga kirgan har bir inson virusning yangi, borayotgan joyidagi muhitga moslashmagan tipini olib kirishi mumkin. Bu yangi to`lqin degani.
Payg`ambarimiz (s.a.s) ham “Vabo tarqalgan joyga bormangiz, agar turgan joyingizda vabo bo`lsa u erdan ketmangiz” deb bekorga aytmaganlar.
Xorijdan vatandoshlarimizni olib kelishni to`xtatish, ularni turgan mamlakatlarida davolanishlarini moliyalashtirish haqida o`ylashimiz kerak. Bu birinchi navbatda o`sha vatandoshimizning qarindoshlariga, qolaversa butun O`zbekistonga yaxshilik bo`ladi.
Yana bir yangi shtamm xalqimiz uchun juda og`ir bo`ladi" deydi Qodirov
