"Миллий тикланиш" демократик партияси Марказия кенгаши раиси Алишер Қодиров Вирусларни аниқлаш ва улар билан курашишда Исроил давлатидаги тажрибасини ўрганиш кераклиги ҳақида таъкидлади.
"Улар 2020 йилнинг 1 сентябригача барча кирувчилар учун чегараларини ёпди. Нимага? Чунки ичкарига кирган ҳар бир инсон вируснинг янги, бораётган жойидаги муҳитга мослашмаган типини олиб кириши мумкин. Бу янги тўлқин дегани.
Пайғамбаримиз (с.а.с) ҳам “Вабо тарқалган жойга бормангиз, агар турган жойингизда вабо бўлса у ердан кетмангиз” деб бекорга айтмаганлар.
Хориждан ватандошларимизни олиб келишни тўхтатиш, уларни турган мамлакатларида даволанишларини молиялаштириш ҳақида ўйлашимиз керак. Бу биринчи навбатда ўша ватандошимизнинг қариндошларига, қолаверса бутун Ўзбекистонга яхшилик бўлади.
Яна бир янги штамм халқимиз учун жуда оғир бўлади" дейди Қодиров
