Toshkent shahar Olmazor tumanida yashagan 73 yoshli U.T. (ayol) 12 iyul kuni COVID-19 infeksiyasining o`ta og`ir kechishi va ikki tomonlama pnevmoniya tashxisi bilan Virusologiya ilmiy-tekshirish instituti klinikasiga yotqizilgan.
Bemorda o`tkir yurak qon-tomir va nafas etishmovchiligi, o`pka shishi, koronavirusli ensefalit va poliorgan etishmovchiligi asoratlari kuzatilgan.
Shu bilan birga bemorda yurak ishemik kasalligi, stabil zo`riqish stenokardiyasi, gipertoniya kabi hamroh kasalliklar aniqlangan.
Shifoxonada bemorning davolanishi davomida shifokorlar tomonidan konsultasiya va konsiliumlar qilingan, davolash jarayoni mutaxassislar tavsiyasi asosida olib borilgan.
Mutaxassislar tomonidan o`tkazilgan reanimasion choralarga qaramasdan ahvoli asosiy kasallik asoratlari hisobiga keskin og`irlashgan bemor o`tkir nafas va yurak qon-tomir etishmovchiligi, o`pka shishi, sepsis va poliorgan etishmovchiligidan vafot etdi – SSV.
