Наманганда 20 ёшли йигит ўзининг номида бўлмаган автомашинани бошқариб 9 ёшли болани уриб юборди.
Маълум бўлишича, 14 сентябрь куни соат 10:30 ларда, Косонсой-Наманган йўлининг 16 км.да 20 ёшли йигит ўзининг номида бўлмаган ВАЗ-2107 русумли автомашинани ишонч қоғози билан бошқариб бораётиб, ҳаракат хавфсизлигини таъминлай олмай, йўлни кесиб ўтаётган 9 ёшли қизалоқни уриб юборган. Натижада, пиёда оғир тан жароҳати олиб, шифохонада вафот этган.
Ҳозирда ҳолат бўйича туман ИИБ ҳузуридаги ТБ томонидан Ўзбекистон Республикаси ЖКнинг 266-моддаси 2-қисми билан жиноят иши қўзғатилган.
