Мексиканинг Мехико штатида 24 декабрь, пайшанба куни ўнлаб автомобиллар иштирокида йирик ЙТҲ юз берди, деб хабар беради “ТАСС”.
Ҳозирда ҳодиса жойида ўнлаб қутқарувчилар иш олиб бормоқда.
Йўл-транспорт ҳодисаси оқибатида тўққиз киши ҳалок бўлганлиги, 25 тадан ортиқ киши жароҳатланганлиги айтилмоқда. Оғир тан жароҳати олган шахсларни эвакуация қилиш учун вертолёт жалб қилинган.
Дастлабки маълумотларга кўра, йирик ЙТҲ икки юк машинасининг ноқулай об-ҳаво шароити туфайли тўқнашуви сабаб юзага келган. Маҳаллий ОАВда чоп этилган суратларда икки юк машинаси кабинаси орасига тиқилиб қолган автомобиль акс этган. Енгил автомобиль ичидаги тўрт кишининг барчаси ҳалок бўлган. Ҳозирда Сумпанго ва Тультепек шаҳарлари оралиғидаги трассанинг автоҳалокат юз берган қисми ёпиб қўйилган. Штат прокуратура органлари ҳодиса юзасидан текшириш ишларини олиб бормоқда.
Бундан олдин 23 декабрь чоршанба куни Веракрус штатида йўловчи ташиш автобуси ағдарилиши оқибатида 11 киши ҳалок бўлган эди.
