Актриса Шаҳзода Муҳаммедова айни дамда “Менинг юртим” телеканалининг “TravelTV.UZ” лойиҳаси доирасида Европа мамлакатлари бўйлаб саёҳат қилаётгани ҳақида хабар бергандик.
У ўзининг Инстаграммдаги саҳифасига Париж кўчаларида "Спарк" автомобилини учратганини ёзиб қолдирди.
“Париж кўчаларида “Spark”га ўхшаган автомобиллар бензинда эмас заряд орқали ҳаракатланяпти. Махсус шаҳобчаларда автомобиллар қувватловчи мосламага улаб кетиляпти. Истаган одам бу автомобилларни ҳайдаб йўл ҳақини картада тўлаб, уни яна ташлаб кетяпти. Хуллас машина ҳамманики #PARIJ_FRANSIYA”.
Шунингдек, актриса Парижнинг Эйфель минораси ва афсонавий Лувр музейида тушган суратларидан лавҳалар жойлаган.
