2016 йилнинг июнь ойидан Туркия 89 мамлакат билан виза тартибини жорий этади, улар орасида Ўзбекистон ҳам бор, дея хабар беради Туркия маҳаллий ОАВлари.
Haberizmir нашрининг хабар беришича, бу ҳақда Туркия ва Европа Иттифоқи ўртасида имзоланган келишувга асосан қарор қабул қилинган.
Виза тартиби тикланадиган мамлакатлар қаторидан – Ўзбекистон, Озарбайжон, РФ, Ўзбекистон, Туркманистон, Украина ва Грузия жой олди.
Нашр маълумотларига кўра, ушбу қарор Туркия сайёҳлик соҳаси вакилларининг ҳавотирига солмоқда. Туркиянинг отельер ва инвесторлар Ассоциацияси раҳбари Тимур Байиндирнинг маълум қилишича, визасиз тартибнинг жорий қилиниши Туркияга сайёҳлар оқимининг кескин қисқаришига олиб келади.
Туркиянинг Ўзбекистондаги элчихонаси билан мазкур масала юзасидан боғланганимизда, дарҳақиқат, бугунги кунда Туркия бир қатор мамлакатлар билан виза муносабатларини кўриб чиқаётганини маълум қилди. Ўзбекистон билан виза муносабатлари жорий этилиши ҳақида ҳозирда ҳеч қандай аниқ маълумот йўқлигини, ушбу масалага кейинроқ яна ойдинлик киритилишини айтди.
