Маълум қилинишича, Франциянинг бир қатор шаҳарларида - Париж ва унинг атрофидаги ҳудудларда, Лилл, Гренобл, Лион, Марсел, Руан, Сент-Этен, Монтпеле, Тулузада ноябрь ойининг охиригача комендантлик соати жорий қилинган.
Бельгияда эса, комендантлик соати жорий қилинди. Кафе ва ресторанлар бир ойга ёпилди, кечки соат 20: 00 дан кейин тунги дўконларда спиртли ичимликлар сотиш тақиқланади. Фуқароларга оила аъзоларидан ташқари бошқалар билан учрашиш ҳам мумкин эмас.
Нидерландия қисман карантин жорий этилмоқда, жамоат жойларида маскалар тақиб юриш лозимлиги айтилмоқда.
Италия 21:00 да шаҳар ҳокимларига жамоат майдонларини ёпиш ҳуқуқи берилди, ҳаваскор спорт мусобақалари тўхтатилди ва ярмаркалар тақиқланди.
Словенияда ҳам комендантлик соати жоий этилди. Барча оммавий тадбирлар, шу жумладан черков хизматлари ва шахсий байрамларни ўтказиш тақиқланади, мазкур тартибни бузувчилар 400 дан 4 минг еврогача жаримага тортилади.
Эстония мамлакат бўйлаб барча барлар, клублар ва ресторанларда тунда спиртли ичимликларни сотиш тақиқланди.
Испаниянинг бир қатор шаҳарлари, жумладан Мадрид ва Саламанка изоляция қилинди. Расмийлар комендантлик соати жорий этилишини истисно этмаяпти. Каталонияда бар ва ресторанлар ёпиқ, маиший хизмат дўконлари тақиқланган.
Португалияда 5 кишидан кўпроқ одамни йиғилиши тақиқланди. Миллий фавқулотда режими жорий этилди.
Ирландия фуқаролари ўз уйидан 5 км узоқликда ҳаракатлана олмайди.
Германия пойтахти Берлинда ниқоб тақиш мажбурий этиб белгиланди.
Энг қаттиқ чекловлар Бавера Берчтесгаденер Ландда: уйдан узрсиз сабаб билан чиқиб кетиш тақиқланади, мактаблар ёпилади, барча ижтимоий тадбирлар тақиқланади, ресторанлар фақат ташқарига чиқиш учун очиқ.
Австрияда 6 кишидан кўпроқ одамни йиғиш тақиқланади, ҳудудлар қўшимча чекловлар қўйиши мумкин.
