“Алоқабанк” акциядорлик тижорат банки Uzcard дастури ва my.uzcard.uz шахсий кабинети орқали бир пластик картадан иккинчисига пул ўтказиш хизмати(P2P)ни ишга туширди. Бу ҳақда банк сайтида маълумот берилди.
Хизматдан “Алобанк”нинг my.uzcard.uz шахсий кабинетидаги мижозлари фойдаланиши мумкин.
Фойдаланувчилар оддий пул ўтказиш шаклини тўлдириши, яъни пул ўтказилаётган картанинг рақами ўтказиладиган суммани киритиши кифоя. Хизмат ҳақи сифатида ҳар бир ўтказилаган пулнинг умумий миқдоридан 2 фоиз ушлаб қолинади. Мазкур хизмат бўйича бир ой ичида кўпи билан 1 миллион сўм ўтказилиши мумкин. Ҳозирча хизматдан фақатгина “Алоқабанк” мижозлари фойдаланиши мумкин.
