1-қисм қуйидаги манбада
Мутахассислар, "ИШИД" томонидан назорат қилинувчи ҳудудларда бўлган аёлларнинг асосий хотиралари қўрқув ва таҳқирлашлардан иборат эканини таъкидлашади. Жумладан, жабрдийда юртдошларимиздан бирининг айтишича, у орзусидаги турмуш ўртоқни ижтимоий тармокдаги "дугона"си орқали Туркиядан топган. Унга турмушга чиқиш мақсадида Туркияга етиб борган ва аслида "ИШИД"га одам ёллаш билан шуғулланувчи шахсга турмушга чиққан. Турмуш ўртоғи аёлни ўзи билан бирга Сурияга боришга мажбур қилган.
Аёл “ИШИД" худудларида эркаклар диний адабиёт ўрганиш ва ҳарбий машғулотлар билан шуғулланишлари, аёллар эса қўлдан-қўлга ўтиши мумкин бўлган хизматкор вазифасини бажаришлари, битта қизнинг навбати билан бир нечта жангарининг хотини бўлгани, вафот этган жангарининг завжаси ва фарзанди эса бошқа жангариларнинг ихтиёрига ўтганига гувоҳ бўлган.
Бундан ташқари, ишончли маълумотларга кўра, "ИШИД" худудларида ташкил этилган қул бозорларда аёллар ёши, ташки кўриниши ва саломатлигига қараб баҳоланади. Хусусан турмуш қурмаган, бокира хамда балоғат ёшига етмаган қизлар учун жуда қиммат нарх белгиланади. Ҳар бир сотиб олинаётган аёл бозорнинг ўзида тиббий ходимлар текширувидан ўтади. Ҳаттоки қария аёлларга ҳам муайян нарх эвазигша сотилиш мумкин. Шунингдеқ, мазкур “давлат” ҳудудида бўлиб қайтганларнинг ҳикоя қилишича, аксарият аёллар ва ёш болаларнинг тана аъзолари уларнинг розилигисиз донорлик учун олинар, ўзларини эса дуч келган жойда кўмиб кетишаркан. Бундай ҳолатлар барчани даҳшатга солиши муқаррар.
Давоми бор...
