Ўзгидрометмарказининг хабар беришича, 17-20 февраль кунлари республикамизнинг марказий туманлари ва Тошкентда ҳаво ўзгариб турса ҳам, ёғингарчилик кутилмайди.
17 февраль куни ҳаво ҳарорати кечаси – 3 даража совуқ, кундузи +5 +10 даража иссиқ бўлади. 18-20 февраль кунлари кечаси 0+5 даража, кундузи эса +12, +17 даража илиқ бўлиши кутилмоқда.
Қашқадарё ва Сурхондарё вилоятларида ҳаво очиқ бўлиб, +20 даража, Фарғона водийсида эса ҳаво +15 даража иссиқ бўлади.
Тоғли ҳудудларда ҳаво очиқ бўлади, 18-20 февралда кечаси 5-10 даража совуқ, кундузи эса +5 даража иссиқ бўлади.
Хуллас ушбу ҳафтада Ўзбекистонда баҳорий об-ҳаво ҳукмронлик қилиши кутилмоқда.
