АОКАда бўлиб ўтган брифингда Коронавирусга қарши кураш штаби аъзоси Севара Убайдуллаева жамоатчиликни қизиқтирган бир қатор саволларга жавоб берди.
"Кўпчилик ишлайдиган ташкилотда битта шахсда ПЗР-тест натижаси ижобий бўлса, у билан мулоқотда бўлганларнинг барчаси шифокор назоратига олинади.
Бундай ҳолатда мулоқотда бўлганларнинг барчаси уйда алоҳидаланиши ва ПЗР-тест топшириши талаб этилади. Тест натижаси ижобий чиққан шахслар шифокор назоратида белгиланган стандартлар асосида даволанади.
Тест натижаси манфий чиққанлар эса шифокор назоратида 10-14 кун давомида уйда алоҳидаланиб карантинда бўлишади ва 7 кундан сўнг қайта ПЗР-тест топширишади. Қайта текширув натижаси ҳам манфий бўлганда, бу шахс карантиндан чиқарилади ва одатий иш фаолиятига қайтади",–деди Севара Убайдуллаев.
