Тошкентда Венгрия элчихонаси очилди

Тошкент шаҳрида Венгриянинг Ўзбекистондаги элчихонаси ўз фаолиятини бошлади. Бу ҳақда Ўзбекистон Ташқи ишлар вазирлигининг ахборот хизмати маълум қилади.

Венгриянинг Муваққат ишлар вакили Янош Ваник дипломатик ваколатхонага вақтинчалик раҳбарлик қилади.

Илгари қароргоҳи Москва шаҳрида бўлган Венгрия Фавқулодда ва мухтор элчиси Ўзбекистонда аккредитациядан ўтар эди.