Бугун, 26 февраль Швейцриянинг Цюрих ФИФАнинг навбатдан ташқари конгресси бўлиб ўтиши ҳақида хабар бергандик.
Мазкур конгрессда ташкилотнинг янги президентлиги учун сайлов ташкил этилди. Ўтказилган сайлов натижаларига кўра, УЕФА бош котиби лавозимида ишлаган Жанни Инфантино ФИФАнинг янги, 9-президенти этиб сайланди.
ФИФА президентлигига Осиё футбол конфедерацияси раҳбари Шайх Салмон бин Иброҳим ал-Халифа, ФИФА бош котиби собиқ ўринбосари Жером Шампань, Иордания шаҳзодаси Али бин ал-Ҳусайн ҳамда жанубий африкалик Токио Севале даъвогарлик қилганди.
Овоз бериш жараёнининг биринчи турида овозлар қўйидагича тақсимланди: Инфантино учун 88 та, Шайх Салмон учун 85 та, шаҳзода Али учун 27 та ва Шампань учун 7 та федерация овоз берган. Жанубий африкалик Токио Севале сайлов олдидан ўз номзодини олиб ташлади. Иккинчи турда эса Инфантинони 115 та, Шайх Салмонни 88 та, шаҳзода Алини 4 та федерация қўллаб-қувватлади. Шампань учун ушбу турда ҳеч ким овоз бермади.
ФИФАнинг янги президенти 4 йил муддатга сайланди. Қайд этиш жоиз, ФИФАнинг собиқ президенти Йозеф Блаттер молиявий можаролар сабабли 6 йил муддатга футболга оид ишлардан четлатилган.
