Пойтахтимизнинг Бектемир туманида бунёд этилган “Камолот” уйлари ёш оилаларга топширилди.
“Камолот” уйлари бошланғич бадал тўланмасдан, 20 йил муддатга, шу жумладан, 5 йиллик имтиёзли давр белгиланган ҳолда берилаётгани ёш оилаларга катта қулайлик яратмоқда. 2015 йилда Тошкент шаҳрининг Сергели, Учтепа ва Бектемир туманларида 160 хонадонли 5 “Камолот” уйи ёш оилаларга топширилди.
Жорий йилда ҳам ушбу эзгу анъана изчил давом эттирилмоқда. Январь ойида Миробод ва Чилонзор туманларида ҳар бири 32 хонадондан иборат 3 “Камолот” уйи барпо этилди.
