Жорий йилнинг 5 июль куни Чотқол давлат биосфера қўриқхонасининг денгиз сатҳидан 1500-1700 метр баландликдаги Тераклисой ҳудудида аномал об-ҳаво таъсирида ёнғин чиққан. Бу ҳақда Давлат экология қўмитаси хабар берди.
Хабарда айтилишича, қарийб бир гектарни эгаллаган ёнғинда асосан қуриган ўт-ўланлар ёнган, кўп йиллик дарахтларга зарар етишининг олди олинган. 2021 йилнинг 6 июль ҳолатига ёнғин тўлиқ ўчирилган.
"Ҳодиса натижасида жароҳатланиш қайд этилмади",–дейилади қўмита ахборотида.
