Пойтахтдаги Республика олимпия захиралари теннис мактаби кортларида ўсмирлар ўртасида халқаро турнир бўлиб ўтди.
Ўзбекистон теннис федерацияси ва Халқаро теннис федерацияси (ITF) томонидан ташкил этилган турнирда ўндан зиёд давлатдан келган теннисчилар яккалик ва жуфтлик баҳсларида куч синашди.
Яккалик учрашувларида ўзбекистонлик теннисчи Жўрабек Каримов бош совринни қўлга киритди.
Жуфтликлар ўртасида Шаробиддин Абзалов ва Ҳумоюн Султонов биринчи даврада беларуслик Александр Леоненка ва Александр Згировский, чорак финалда ҳиндистонлик Адил Калянпур ва франциялик Клемент Табур, ярим финалда Буюк Британия вакиллари Бен Дрэйпер ва Жэк Моллой жуфтлигини енгиб, финалга чиқди. Финалда Буюк Британия шарафини ҳимоя қилган Жэймс Дэвис ва Мэтю Саммерс устидан 7:6, 3:6, 10:5 ҳисобида зафар қучди.
