АҚШ ҳукумати вакилларининг таъкидлашича, Сан-Бернардинодаги отишмаларни содир этган террорчининг смартфонини Apple компаниясининг ёрдамисиз ҳам бузиб кириш йўлини топди. Бу ҳақда “Вести” нашри хабар бермоқда.
АҚШ адлия вазирлиги суддан мазкур иш бўйича бошланган жараённи тўхтатишни сўраган.
Адлия вазирлигининг маълум қилишича, “учинчи томон” ФҚБга келаётган якшанба куни iPhone смартфонини бузиб киришнинг янги усулини тақдим этишга ваъда берган. Агар мазкур усул ижобий натижа берса, АҚШ ҳукумати террорчининг телефонидаги махфий маълумотларни ўчириб юбормай, унга кириш имконига эга бўлади.
Шунинг учун суд Apple билан боғлиқ ишни ёпиши мумкин.
АҚШ ҳукумати жорий йилнинг 5 апрелида смартфондаги маълумотларга кира олгани ёки кира олмагани ҳақида ҳисобот тақдим этилишини маълум қилди.
Apple компаниясининг адвокатлари эса ФҚБ назарда тутаётган смартфонларни бузиб киришнинг янгича усулидан бехабар эканликларини айтган.
