Буюк Британиянинг Суррей графлигида яшовчи Жозефина Картер исмли аёл чихуахуа зотли итининг кийими, косметик муолажалари, тақинчоқлари учун 30 минг фунт стерлинг (42 минг доллардан ошиқ) пул сарфлади, деб хабар берди “Lenta.ru” нашри.
2013 йилда Жозефина Картер (Josephine Carter) ва қизи Келли Квини лақабли кучукча сотиб олишади. Шундан бери бу аёллар севимли итлари учун замонавий тақинчоқлар, сумкалар, либослар, ҳайвонлар учун ишлатиладиган косметик воситалар сотиб олишади. Итнинг бекалари унинг “чакраларини очиш учун” массажга олиб боришади, тирноқларини парвариш қилишади.
Аёлнинг айтишича, сайр давомида кучукчани кўрган одамлар у билан суратга тушишни илтимос қилишади ва уни яхши танишади. “Мен Квинининг гардероби учун ўзимникидан кўра кўпроқ пул сарфлайман, бундан сира ўзимни тўхтата олмаяпман”, — деди 50 ёшли Картер.
2015 йилнинг март ойида АҚШ фуқаролари уй ҳайвонлари учун 58 миллиард доллар пул сарфлашгани, бу кўрсаткич ундан олдинги йилга қараганда 4,2 фоизга ошгани аниқланган. Сўнгги пайтларда ноодатий сарф-харажатлар кўпайиб кетган, яъни уй ҳайвонларининг эгалари уларни массаж олиш ва турли косметик муолажаларни амалга ошириш учун гўзаллик салонларига олиб боришни урфга киритишган.
