Associated Press агентлигининг берган хабарига кўра, Ироқ ва Суриядан макон топган “Ислом давлати” террорчилик гуруҳи Европага бир нечта ҳужум уюштириш учун тўрт юздан ортиқ жангариларни тайёрлади, деб хабар берди “Vesti.ru” нашри.
Ғарбни нишонга олган ва унга қарши тайёрланган бу жангарилар гуруҳи жуда эпчил ва устамон бўлиб, улар ҳужум вақтини, жойини, услубини мустақил танлаб, катта тартибсизликларни юзага келтиришга қодир.
Агентликнинг таъкидлашича, “Ислом давлати” террорчилик гуруҳи Сурия ва Ироқда ўз позицияларини йўқотган, аммо бу уларнинг Европада жамоат тартибини бузишларига халақит қилмаяпти. Сўнгги маълумотларга кўра, 22 март куни Брюсселда содир этилган теракт бегуноҳ 34 нафар инсоннинг ҳаётига зомин бўлган.
