Жорий йил 17-24 июль кунлари Литва давлати томонидан 51-Халқаро физика олимпиадаси (IPhO) ўтказилаётгани тўғрисида хабар берган эдик.
Унда дунёнинг 73 давлатидан 365 нафар иштирокчилар қатнашди. 19 июль куни олимпиаданинг амалий қисмида иштирокчилар 2 та топшириқни бажарди ва 21 июль куни эса назарий босқичда 3 та масала берилди.
Мазкур нуфузли халқаро олимпиадада ўзбекистонлик ўқувчилар ҳам муносиб иштирок этди.
Якуний натижаларга кўра,
Раил Хашаев — Тошкент шаҳридаги 71-мактаб ўқувчиси бронза медалини қўлга киритди.
Мадина Хасанжонова — С.Сирожиддинов номидаги академик лицей ўқувчиси 4-даражали диплом билан тақдирланди. Бу ҳақда Халқ таълими вазирлиги хабар берди.
"Даракчи" жамоаси ўқувчиларни, уларга тарбия ва билим берган ўқитувчиларини ҳамда ота-оналарини мазкур ғалаба билан табриклайди!
