Интернет тармоғида эркак киши томонидан бир аёлга куч ишлатилаётганлиги акс этган видеотасвир тарқалди.
Мазкур ҳолат юзасидан Тошкент шаҳар ИИББ текширув ўтказганда қуйидагилар аниқланган.
Жорий йилнинг 30 июль куни тахминан соат 11.00 ларда 1986 йилда туғилган Хусан Ф. ўзининг турмуш ўртоғи 1991 йилда туғилган Мафтуна О. билан бирга Учтепа тумани Чўпонота кўчасида кетаётган вақтида ўзаро гап талашиб жанжаллашиб қолишган.
Натижада Хусан Ф. турмуш ўртоғи Мафтуна О.га нисбатан куч ишлатиб, сочидан тортган. Мазкур ҳолат юзасидан Мафтуна О. ички ишлар органларига мурожаат қилмаган.
Учтепа тумани ИИО ФМБ хотин-қизлар масалалари бўйича инспекторлар томонидан ўтказилган профилактик суҳбат жараёнида Мафтуна О. турмуш ўртоғига нисбатан ҳеч қандай эътирозлари йўқлигини, 2 нафар фарзанди борлигини ва ўзаро ярашиб олишганлигини маълум қилиб, ҳимоя ордери олишдан бош тортди.
Хусан Ф. қилган ишидан пушаймонлигини, жаҳл устида турмуш ўртоғига куч ишлатганлигини ва турмуш ўртоғи билан ярашиб олганлигини маълум қилган.
Ҳозирда мазкур ҳолат юзасидан Учтепа тумани ИИО ФМБ томонидан терговга қадар текширув ҳаракатлари олиб борилмоқда.
07.11.2019, 16:27
Учтепа тумани ҳокимига биринчи ўринбосар этиб 1985 йилда туғилган Хужанов Азиз Мажидович тайинланди.У 2008 йилда В.Плеханов номли Россия иқтисодиёт академияси, 2012 йилда Ўзбекистон Республикаси Президенти...
