Кинематография агентлиги “Ёшлик” киностудияси томонидан “Дебют старт-2021” кинофестивалида ғолиб бўлган сценарий лойиҳалари асосида “Соддадил” қисқа метражли фильмининг съёмка жараёнлари бошланди.
Бу ҳақда кинемотография агентлиги ахборот хизмати хабар берди.
Маълум бўлишича, фильмда ёлғиз ўғлини қўнғироқ қилишини кутаётган кекса чолнинг ҳаёти тасвирланади.
Сценарий муаллифи ва режиссёр Азамат Нурматов, оператор Жасур Рустамов, рассом Суҳроб Шермуҳаммедов, гримёр Ҳожиакбар Бўрибоев, овоз режиссёри Зариф Юлдашев, картина директори Нодирбек Юлчиев, бадиий раҳбар Марат Солиев.
