Қашқадарё вилояти Нишон тумани «Ойдин» маҳалласида яшовчи вояга етмаган мактаб ўқувчиси 22 март куни ўзини осди, деб хабар беради Nasafnews.
Маълум қилинишича, шу куни соат 22:00 ларда «Ойдин» МФЙда яшаган, вояга етмаган 18-сонли мактабни 10-синфда ўқиган, 17 ёшли Х.Н. ўз жонига қасд қилган. Қиз ўз яшаш уйининг ички хонаси устунларига арқон билан ўзини осгани айтилмоқда.
Нашр манбасига кўра, марҳума қиз оила аъзолари ва қўни-қўшнилари билан жанжаллашмаган. Унинг руҳиятида ўзгариш бўлган.
Ҳозирда ҳолат юзасидан Нишон тумани прокуратураси терговга қадар текширув ҳаракатлари ўтказмоқда.
