Бухоро вилояти Йўл ҳаракати хавфсизлиги бошқармасига радар билан жиҳозланган 5 та автомобиль фойдаланишга топширилди. Бу ҳақда вилоят ИИБ матбуот хизмати хабар берди.
Қайд этилишича, сўнги вақтларда содир бўлаётган йўл-транспорт ҳодисаларининг кўпчилиги машиналарнинг юқори тезликда ҳарактланиши, қувиб ўтиш қоидаси бузилиши туфайли юзага келмоқда.
Шунга кўра, Бухоро вилоятига ҳам йўлларда автомобиллар тезлигини назорат қилиш ва ҳаракат хавфсизлигини таъминлаш мақсадида 5 та радар билан жиҳозланган машина фойдаланишга топширилди.
Маълум қилинишича, автомобиллар кечаю-кундуз онлайн тарзда серқатнов йўлларда фаолият олиб боради.