Жаҳон Соғлиқни сақлаш ташкилоти апрель ойи бошидан бери 33 мамлакатда 650 нафар болада номаълум ўткир гепатит аниқланганини эълон қилди. Бу ҳақда DW агентлиги хабар бермоқда.
Қайд этилишича, энг кўп ҳолатлар Буюк Британияда (222) ва АҚШда (216) қайд этилган. Ғарбий Тинч океани, Жануби-Шарқий Осиё ва Шарқий Ўрта эр денгизи мамлакатлари ҳам янги гепатитдан энг кўп зарар кўрган.
Европа Иттифоқида 75 дан ортиқ инфекция беш ёшгача бўлган болаларда учрайди. Касалликлар клиник жиҳатдан оғир ва аксарият ҳолларда болаларда жигар етишмовчилигига олиб келиши мумкин. БЖССТ дунёдаги барча касаллар орасида болаларнинг 6 фоизи жигар трансплантациясига муҳтожлиги, тўққиз киши вафот этганини маълум қилган.
Инфекцион ҳолатлари қайд этилган давлатлар: Аргентина, Австрия, Бельгия, Болгария, Канада, Кипр, Дания, Франция, Греция, Индонезия, Ирландия, Исроил, Италия, Япония, Малдив ороллари, Мексика, Молдова, Нидерландия, Норвегия, Фаластин, Панама, Польша, Португалия, Жанубий Корея, Руминия, Сербия, Сингапур, Словакия, Словения, Испания ва Швеция.
