Хитойнинг Юнчуань шаҳрида яшовчи болакайнинг тарвуз узишда отасига ёрдам бераётгани акс этган сурат ижтимоий тармоқ фойдаланувчилари орасида машҳур бўлди, деб хабар берди “Lenta.ru” нашри.
Маълумотга кўра, исми ошкор этилмаган 2 ёшли болакай фермада отасига тарвуз узишда ёрдам берган. Ижтимоий тармоққа сурати жойланган боланинг ота-онаси расм орқали тарвузга харидор излаган.
Суратда болакай эгнига дуань — анъанавий Хитой кўйлагини кийган. Елкасига эса мева солиш учун мўлжалланган бамбукдан тўқилган сават илиб олган. Болакай акс этган сурат тўрт кунда 21 миллион лайк тўплаган.
