2022/2023 ўқув йили учун республика олий таълим муассасаларига абитуриент сифатида рўйхатдан ўтиш жараёнлари 2022 йилнинг 20 июнидан 20 июлига қадар (жорий кун ҳам) бўлиб ўтади. Бу ҳақда вазирлик хабар бермоқда.
Қайд этилишича, бунда онлайн рўйхатдан ўтиш:
- Ягона интерактив давлат хизматлари портали орқали;
- Давлат тест марказининг расмий веб-сайти орқали орқали амалга оширилади.
Шунингдек, чет тили фанидан касбий (ижодий) имтиҳон ўтказиладиган таълим йўналишларига онлайн рўйхатдан ўтиш 10 июлига қадар (10 июль куни ҳам) амалга оширилиши айтилади.
Маълумот учун, эндиликда абитуриентларга таълимнинг турли шаклларини (кундузги, сиртқи, кечки, масофавий) танлашга рухсат берилади.
