Сал аввал Қашқадарё вилояти Нишон туманида мактаб директори ва ўқувчи ўртасида муштлашув содир бўлгани айтилган видеохабар тарқалганди.
Шундан сўнг ИИБ ҳолатга муносабат билдириб, ҳодиса Нишон туман 2-сон касб-ҳунар мактабида содир бўлганини баён қилганди.
Айни вақтда ҳокимлик вазият бўйича сўз юритиб, бир-бирини калтаклаган директор ва ўқитувчи ярашиб олганини айтмоқда.
"Ҳолат бўйича Нишон тумани ҳокими ўринбосари С.Худойқулов бошчилигида ишчи гуруҳ тузилиб, бу воқеанинг асл сабаби кенг жамоатчилик билан бирга ўрганилди",-демоқда ҳокимлик.
Маълумотда мактаб директори ва ўқитувчи ҳозирда ўзаро келишиб олгани икки шахс ўртасида ҳеч қандай гина-кудратни сақлаб қолинмагани ва келажакда дўстона руҳда биргаликда ишлашга қўл ташланилгани айтилади.
