Марказий банк Бошқарувининг навбатдаги йиғилиши якунларига бағишланган матбуот анжуманида Марказий банк жорий йил якуни бўйича инфляция даражаси 12-14 фоизлик коридорнинг қуйи чегараси атрофида шаклланишини прогноз қилаётгани қайд этилди.
Иқтисодиётда мавжуд захиралар ва ялпи талабнинг жорий тенденцияларидан келиб чиқиб йил якуни бўйича ЯИМнинг реал ўсиши 5,0-5,5 фоиз атрофида бўлиши тахмин қилинмоқда, аввалги (апрель ойида) прогноз бўйича 3,5-4,5 фоиз бўлиши кутилган эди. Шунингдек матбуот анжуманида, Марказий банк ЯИМ ўсиши прогнозини яна яхшилангани қайд этилди.
Янги прогнозга кўра, Иқтисодиётда мавжуд захиралар ва ялпи талабнинг жорий тенденцияларидан келиб чиқиб йил якуни бўйича ЯИМнинг реал ўсиши 5,0-5,5 фоиз атрофида бўлиши тахмин қилинмоқда (аввалги прогноз 3,5-4,5 фоиз эди). Инфляция даражаси 12-14 фоизлик коридорнинг қуйи чегараси атрофида шаклланади.
Бунда тартибга солинадиган нархлар оширилишининг кейинга қолдирилиши инфляция бўйича оптимизмга туртки бераётган бўлиши мумкин.
Матбуот анжуманида Марказий банк раиси Мамаризо Нурмуратов, юртимизда инфляциянинг 2023 йил учун мўлжалланган таргети 2024 йилга кўчишини қайд этди.
Мамлакатимизга келаётган пул ўтказмаларининг ички валюта бозорида қандай ҳаракатланаётганлиги муҳим ҳисобланади.
Анжуманда Марказий банк раиси пул ўтказмалари бўйича ҳолат омиллари ҳақида қуйдаги маълумотларни берди.
Россияда нақд валюта ва нақдсиз валюта курси ўртасида 15-30 фоизгача фарқ юзага келган. Мигрантлар норасмий пул ўтказмаларини расмий каналлар орқали ўтказишга ўтган.Пул ўтказмалари ошганига таъсир ўтказган яна бир омил: Нақд пулда экспорт қилиш ҳажми кўпайди. Дастлабки баҳолашларга кўра, июнь ойи экспортининг 10 фоизи атрофидаги тушуми нақд кўринишида юз берган.
