Тармоқларда Андижон вилояти Марҳамат туманида ҳоким ва ИИБ бошлиғи муштлашганига оид хабар эълон қилинди. Ҳокимлик ҳолат юзасидан муносабат билдирди.
Маълум қилинишича, 2022 йилнинг 26 июль куни туман ҳокимлиги биносида туман сектор раҳбарлари биргаликда, тумандаги 20 нафардан ортиқ фуқароларни қабул қилинган. Қабул давомида уларнинг мурожаатлари тингланиб, 12 нафар фуқароларнинг мурожаатлари ижобий ҳал этилган. Бироқ жараёнда туман раҳбарияти ўртасида ҳеч қандай зиддиятли ҳолатлар юзага келмаган.
"Аксинча, фуқароларнинг муаммоларини барча тегишли корхона ва ташкилотлар орқали ижобий ҳал қилинган",-демоқда ҳокимлик ижтимоий тармоқ фойдаланувчилари ёлғон, ҳақиқатга зид хабарлар тарқатганлик учун жавобгарлик мавжуд эканлигини эслатиб.
