Тошкент шаҳрининг бир қатор ҳудудларида 29 июлдан 7 августга қадар ҳаракат чекланади. Бу ҳақда шаҳар ҳокимлиги хабар қилди.
Қайд этилишича, шу кунлари шаҳарда "Food fest-2022" гастрономик фестивали бўлиб ўтади. Фестиваль кунлари доирасида қатор йўллар автотранспорт ҳаракати учун ёпилади. Хусусан:
Истиқлол кўчаси — Буюк Турон кўчасидан Ҳятт Регенcй меҳмонхонасигача бўлган қисмида;
Зарафшон кўчаси — Истиқлол кўчасидан ва Мустақиллик шоҳкўчасигача бўлган қисмида;
Ж.Неру кўчаси — Мустақиллик шоҳкўчасидан Зарафшон кўчасигача бўлган қисмида.
“Вақтинчалик ноқулайликлар учун узр сўраймиз ва ҳайдовчилардан айланма йўллардан фойдаланишни илтимос қиламиз”, — дейилади хабарда.
