Кинематография агентлиги Ахборот хизматининг маълум қилишича, қозоғистонлик хонанда, телебошловчи ва актёр Тауэкел Мусилим XIV Тошкент халқаро кинофестивалига ташриф буюради.
Актёр Қозоғистон делегациясининг бошқа вакиллари билан бирга қизил йўлакдан ўтади. У кинофестивалнинг расмий очилиш маросими ва “Барон 2: Соғинч” фильмининг премьерасида иштирок этади. Хабарингиз бор, у айнан мазкур фильмда бош роллардан бирини ижро этган. Унинг ижроси ўзбек томошабинлари учун ҳам қизиқарли бўлди.
Шунингдек, Тауэкел Мусилим “Кўркут-Ата” ўзбек-қозоқ сериалининг қўшма лойиҳаси тақдимотида ҳам иштирок этади, дейилади хабарда.
