НАТОнинг 9 давлати Украинанинг иттифоққа аъзолигини қўллаб-қувватлади

ДУНЁ 03.10.2022, 11:03
НАТОнинг 9 давлати Украинанинг иттифоққа аъзолигини қўллаб-қувватлади

Марказий ва Шарқий Европадаги тўққиз НАТО давлати президентлари қўшма баёнот бериб, Россиянинг Украина ҳудудларини аннекция қилганини қоралади ва алянсни Украинага ҳарбий ёрдамни сезиларли даражада оширишга чақирди. Бу ҳақда "Zamon.uz" ёзмоқда.

"Биз Украина суверенитети ва ҳудудий яхлитлигини қўллаб-қувватлашимизни яна бир бор тасдиқлаймиз, Россиянинг Украина ҳудудини аннекция қилишга уринишларини ҳеч қачон тан олмаймиз", дейилади баёнотда.

Шунингдек, Марказий ва Шарқий Европа давлатлари президентлари Украинанинг НАТОга аъзо бўлиши ҳақидаги қарорни қатъий қўллаб-қувватлашларини билдирдилар.

Хусусан, баёнотда Марказий ва Шарқий Европа давлатлари президентлари Украинани Россия босқинидан ҳимоя қилишда қўллаб-қувватлашини, Россиядан барча босиб олинган ҳудудлардан қўшинларни зудлик билан олиб чиқиб кетишни талаб қилишини билдирган.

Эслатиб ўтамиз, жума куни Владимир Зеленский Украина Шимолий Атлантика иттифоқига тезлаштирилган кириш учун ариза имзолаганини эълон қилган эди.

Шарҳлар

Об-ҳаво: Тошкент
Валюта курси
1