Америка урушни ўрганиш институтининг кундалик ҳисоботининг асосий қисми Қрим кўпригидаги портлашга бағишланган. Бу ҳақда Би-би-сининг рус хизмати маълум қилди.
Мутахассисларнинг тахминича, агар Россия кўприкни тезда тиклашга муваффақ бўлса ҳам, саботаж Россия техникаси ва ходимларининг ҳаракатланишида кечикишларга олиб келади.
Таъкидланишича, портлаш Қрим билан алоқа линияларининг узоқ муддатли узилишига олиб келмайди, аммо унинг оқибатлари бир мунча вақт Россия логистикасидаги муаммоларни янада кучайтириши мумкин. Йўл кўпригининг қулаган чизиғи кўприк таъмирланмагунча рус ҳарбийларининг ҳаракатини чеклайди.
Россия кучлари ҳали ҳам оғир ҳарбий техникани темир йўл орқали ташиш имкониятига эга бўлиши мумкин. Шу билан бирга, кўприкдан ўтаётган барча транспорт воситаларида хавфсизлик назорати кучайтирилади ва бу Россия ҳарбий техникаси, шахсий таркиби ва юкларининг Қримга олиб ўтишини кечиктиришга олиб келади.
Кремл Путиннинг обрўсини сақлаб қолиш учун Мудофаа вазирлигини кўприкдаги портлаш ва бошқа Россия ҳарбий муваффақиясизликларида айбдор қилиб қўйиши мумкин. Вазирлик ҳозирча ҳодиса юзасидан расмий баёнот бермаган.
Россия ахборот маконидаги урушнинг айрим тарафдорлари Путин ва унинг яқин доиралари катта рамзий аҳамиятга эга бўлган кўприкдаги портлашга дарҳол жавоб бера олмаганини таъкидлашган. Баъзилар биринчи марта Путинни тўғридан-тўғри танқид қилишган. Бунга мисол тариқасида экспертлар "Записки ветерана" каналидаги нашрни келтирмоқда, унда Россиядан жавоб йўқлиги "президентнинг ўзининг заифлиги" сифатида қабул қилинишини таъкидланади.
Россиялик блогерлар ва тарғиботчилар Кремлни Украина инфратузилмасига зарбаларни қайтадан бошлашга чақирди. Бироқ экспертларнинг қайд этишича, улар Украинага қарши тактик ядро қуролидан фойдаланишни таклиф қилмаганлар.
