Чикаголик ўқитувчи Дуэйн Рид ўқувчиларининг тўртинчи синфга ўтиши муносабати билан уларни қутлаб, рэп ижро этди, деб ёзади “Tjournal” нашри.
Рид мактабга ишга кирганига ҳали бир йил бўлмади. У ўзи ҳақида ўқувчиларга ҳикоя қилиб бериш мақсадида рэп ижро этган. Клипда Альберт Эйнштейн образидаги ўқитувчи мактаб доскаси ёнида рақсга тушаётгани ва баскетбол ўйнаётгани акс этган. Клипнинг асосий ғояси эса—ўқиш барча қийинчиликларга қарамай қизиқарли жараён эканлигини исботлаш.