Сўнгги пайтларда шифокорларга қўл кўтариш, уларни аёвсиз калтаклаш ҳолатлари "урф"га чиқани ҳеч кимга сир эмас.
Аввалроқ бу каби кўнгилсиз ҳодисаларнинг олдини олиш мақсадида парламент қуйи палатасида "Тиббиёт ходимининг фаолиятига тўсқинлик қилганлик учун жавобгарлик белгиланиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги қонун лойиҳаси муҳокама қилинаётгани ҳақида хабар берган эдик.
Хўш, шифокорлар қачон "боди камералар" билан таъминланади. Камералар юзага келаётган муаммоларга ечиб бўла оладими? ССВ Даволаш профилактика ёрдамини ташкиллаштириш бош бошқармаси бошлиғи Умид Рисқиев қуйидагича жавоб берди:
- Албатта, ҳимоя қилиш учун бу жуда яхши таклиф. Лекин буни иккинчи, эстетик тарафини ҳам ўйлашимиз керак. Яъни "фельдшер" беморни ҳар-ҳил ҳолатда кўради. Тез тиббий ёрдамда бемор уйига бир эмас, бутун бригада боради. Қанчалик эҳтиёж бор, буни яна бир ўйлаб кўришимиз керак.
Қонунни яна ҳам кучайтириш керак, назаримда. Бу тўғрисида Бош прокуратура томонидан ҳужжат лойиҳаси ишлаб чиқилган. Ҳозирги кунда Олий Мажлис томонидан кўриб чиқилмоқда.
Ойбек Шукуров
