Ушбу компания ходимларга таътилни исталган ерда ўтказиши учун $2000 тўлайди

SteelHouse маркетинг компанияси директори Марк Дуглас (Mark Douglas) ходимларининг ишчанлик салоҳиятини оширишнинг ўзига хос усулини ўйлаб топди ва бу усул самара беришини қайд этди.

У ҳар йили ходимлари меҳнат таътилига чиққанида исталган жойига бориб дам олишлари учун бонус тўлашга қарор қилди. Бонус ҳам кичкина эмас, нақд 2000 АҚШ доллар. 

Бошқача қилиб айтганда, ходим компания ҳисобидан исталган жойига бориб дам олиб келиши керак. Ушбу пулларни нақд пул шаклида олишни, дам олишга сарфлагиси келмаганлар ҳам топилди. Аммо Марк ўз фикрида қатъий туриб олди “Менинг мақсадим ходимларим дам олиш вақтларида бирор ерда дам олиб келишларидир”, — дейди у.

Натижалар ажойиб. Сўнгги уч йилда 250 нафар ходимдан уч йил ичида бор йўғи беш нафари компанияни шахсий шароитларга кўра тарк этишди. Аниқланишича “бонусли” таътилдан сўнг одамлар янги куч билан қайтиб, йил давомида сермаҳсул ишлашади.

Марк Дуглас бошқа ташкилотларга ҳам бу тажрибани қўллашни тавсия этади. Ғоя аввалига бироз ғалати ва иш берувчи учун қўрқинчли туюлса ҳам унинг асл моҳиятига назар солинса қанчалик омадли эканлигини англаса бўлади.

“Ходимларга шунчаки таътил учун муҳлат бермасдан, дам олишига имкони туғдириб бериш лозим”, дейди у.

Дарвоқе, Марк ушбу бонус пулларни фақат ходимнинг дам олишга бирор ерга кетиши учун тақдим этади, шунчаки пулни тежаб қолишни истагшанларга эса, “Танлаш ҳуқуқи ўзингизда –2000 долларни олиб дам олгани кетасиз ёки бу пуллар куяди.”