2 апрель куни Тошкентда айрим кўчаларда автотранспорт воситаларининг ҳаракат чекланади

Тошкент шаҳар ҳокимлигининг маълум қилишича, 9 апрель — соҳибқирон Амир Темур таваллудининг 687 йиллиги муносабати билан “Темурбеклар мактаби” ҳамда “Ёш чегарачи” академик лицейлари ўртасида югуриш мусобақаси ўтказилади.

 Шу сабабли, жорий йилнинг 2 апрель куни соат 07:00 дан 10:00 га қадар қуйидаги кўчаларда автотранспорт воситаларининг ҳаракат чекланади:

•   Янгизамон кўчасининг Сайҳун кўчасидан Эски Сарикўл кўчасигача бўлган қисми;

•   Эски Сарикўл кўчасининг Янгизамон кўчасидан Абу Сулаймон Банокати кўчасигача бўлган қисми;

•   Абу Сулаймон Банокати кўчасининг Эски Сарикўл кўчасидан Абдурауф Фитрат кўчасигача бўлган қисми;

•   Абдурауф Фитрат кўчасининг Абу Сулаймон Банокати кўчасидан Янгизамон кўчасигача бўлган қисми.

Ҳайдовчилардан келтирилган ноқулайликлар учун узр сўрамоқда ва шу вақт оралиғида айланма йўллардан фойдаланишлари тавсия этилмоқда.